நீங்கள் தேடியது "மின்வாரிய ஊழியர்"

திருவாரூர்:

திருவாரூர் மின்வாரிய மேற்பார்வை பொறியாளர் அலுவலகம் முன்பு சி.ஐ.டி.யூ. மின் ஊழியர் மத்திய அமைப்பு சார்பில் ஆர்ப்பாட்டம் நடந்தது. ஆர்ப்பாட்டத்திற்கு திட்ட தலைவர் சகாயராஜ் தலைமை தாங்கினார். திட்ட துணைத்தலைவர் சுப்பிரமணியன், திட்ட செயலாளர் ராஜேந்திரன் ஆகியோர் முன்னிலை வகித்தனர். சி.ஐ.டி.யூ. மாவட்ட செயலாளர் முருகையன், மாவட்ட துணைச்செயலாளர்கள் வைத்தியநாதன், பழனிவேல் ஆகியோர் கோரிக்கைகளை வலியுறுத்தி பேசினர்.

தொழிற்சங்க உரிமைகளை நிலை நாட்ட வேண்டும். தொழிலாளர்கள் சட்டங்களை அமல்படுத்த வேண்டும். இந்திய பன்னாட்டு நிறுவனங்களின் சட்ட விரோத நடவடிக்கைகளை தடுத்து நிறுத்த வேண்டும்.

போராடும் தொழிற்சங்கத்தோடு உடனடியாக பேச்சுவார்த்தை நடத்த வேண்டும். பல்வேறு தனியார் வாகன நிறுவனங்களில் பணியாற்றும் தொழிலாளர்களின் கோரிக்கைகளை ஏற்று தீர்வு காண வேண்டும் என்பன உள்ளிட்ட பல்வேறு கோரிக்கைகளை வலியுறுத்தி ஆர்ப்பாட்டத்தில் கோஷங்கள் எழுப்பப்பட்டன.

இதில் திட்ட துணைத்தலைவர்கள் ராமசாமி, கண்ணன், கோட்ட செயலாளர் தமிழரசன், கோட்ட தலைவர் முரளிதரன், மன்னார்குடி கோட்ட செயலாளர் வீரபாண்டியன், திட்ட துணை செயலாளர் வினோத் உள்பட பலர் கலந்து கொண்டனர். முடிவில் திட்ட பொருளாளர் ஜெயச்சந்திரன் நன்றி கூறினார்.

தூத்துக்குடி:

தூத்துக்குடி தெர்மல்நகரை சேர்ந்தவர் மணிகண்டன்(வயது28). இவர் விருதுநகரில் மின்வாரிய அலுவலகத்தில் பணியாற்றி வருகிறார். இவரும் அதே பகுதியை சேர்ந்த ஆறுமுகம் என்பவரது மகள் மணிமேகலை(25)க்கும் இடையே காதல் இருந்து வந்தது. இருவரும் பல்வேறு இடங்களுக்கு சென்று தங்கள் காதலை வளர்த்து வந்தனர்.

இந்த நிலையில் தன்னை திருமணம் செய்துகொள்ளுமாறு மணிகண்டனை மணிமேகலை வற்புறுத்தினார். அதற்கு மணிகண்டன் மறுத்தார். இதையடுத்து மணிமேகலை தூத்துக்குடி அனைத்து மகளிர் போலீசில் புகார் செய்தார். போலீசார் வழக்கு பதிவு செய்து விசாரணை நடத்தி வருகிறார்கள். #tamilnews

வேப்பனஹள்ளி:

கிருஷ்ணகிரி மாவட்டம் சூளகிரியை அடுத்த குண்டுகுறிச்சி கிராமத்தை சேர்ந்தவர் சக்கரலப்பா (வயது 45). உத்தனபள்ளி மின்வாரிய அலுவலகத்தில் லைன் மேனாக பணியாற்றிய இவர் கடந்த 3 மாதங்களுக்கு முன்பு சஸ்பெண்டு செய்யப்பட்டார். நேற்று காலை இவர் அங்குள்ள பாழடைந்த வீட்டில் கொலை செய்யப்பட்டு பிணமாக கிடந்தார்.

இந்த கொலை குறித்து சூளகிரி இன்ஸ்பெக்டர் முருகன் வழக்கு பதிவு செய்து விசாரணை நடத்தினார். ஓசூர் அரசு ஆஸ்பத்திரியில் சக்கரலாப்பாவின் உடல் பிரேத பரிசோதனை செய்யப்பட்டு அவரது உறவினர்களிடம் ஒப்படைக்கப்பட்டது.

சக்கரலப்பாவின் பிரேத பரிசோதனை அறிக்கைக்காக போலீசார் காத்து இருக்கிறார்கள். இந்த நிலையில் கொலை செய்யப்பட்ட சக்கரலப்பாவுக்கும், அதே ஊரை சேர்ந்த விதவைப்பெண் சாக்கம்மா (45)வுக்கும் இடையே கள்ளத்தொடர்பு இருந்து வந்ததாகவும் சம்பவத்தன்று இரவு அவர்களிடையே தகராறு ஏற்பட்டதாகவும் அந்த பகுதி பொதுமக்கள் போலீசாரிடம் தெரிவித்தனர்.

இதைத்தொடர்ந்து அவரது கள்ளக்காதலி சாக்கம்மாவிடம் இன்று 2-வது நாளாக போலீசார் விசாரணை நடத்தி வருகிறார்கள். தன்னிடம் சண்டை போட்டுவிட்டு அவர் வீட்டை விட்டு சென்றதாகவும், அதற்கு பிறகு நடந்த தகவல் தனக்கு தெரியாது என்றும் அவர் கூறி வருகிறார். இதனால் சக்கரலப்பா கொலையில் மர்மம் நீடிக்கிறது. அவரை கொன்றது யார்? என்று தெரியவில்லை.

இது தொடர்பாக சக்கரலப்பாவின் மனைவி, மகள், மகன் மற்றும் உறவினர்களிடம் விசாரணை நடத்தவும் போலீசார் திட்டமிட்டு உள்ளனர். #tamilnews

 வேப்பனஹள்ளி:

கிருஷ்ணகிரி மாவட்டம் சூளகிரியை அடுத்த குண்டுகுறிச்சி கிராமத்தை சேர்ந்தவர் சக்கரலப்பா. இவர் மின்வாரிய அலுவலகத்தில் ஊழியராக பணியாற்றினார். சில பிரச்சினைகள் காரணமாக கடந்த 3 மாதத்துக்கு முன்பு சஸ்பெண்ட் செய்யப்பட்டார்.

இதனால் ஊர்சுற்றி வந்த இவருக்கும் அதே பகுதியை சேர்ந்த விதவை பெண் சாக்கம்மா (வயது48) என்பவருக்கும் இடையே கள்ளத்தொடர்பு இருந்து வந்தது. பெரும்பாலான நாட்களில் தனது வீட்டில் தூங்காமல் கள்ளக்காதலி வீட்டிலேயே சக்கரலப்பா தங்கி வந்தார்.

நேற்று இரவு கள்ளக்காதலி வீட்டில் தங்கி இருந்த சக்கரலப்பா இன்று காலை கொலை செய்யப்பட்ட நிலையில் அங்குள்ள பாழடைந்த வீட்டின் முன்பு கொலை செய்யப்பட்டு பிணமாக கிடந்தார்.

இது குறித்து அந்த பகுதி மக்கள் சூளகிரி போலீசாருக்கு தகவல் தெரிவித்தனர். இன்ஸ்பெக்டர் முருகன் தலைமையில் போலீசார் விரைந்து வந்து விசாரணை நடத்தினார். இந்த கொலை தொடர்பாக அவரது கள்ளக்காதலி சாக்கம்மாவை பிடித்து போலீசார் விசாரணை நடத்தி வருகிறார்கள்.

நேற்று இரவு கள்ளக்காதலிக்கும், சக்கரலப்பாவுக்கும் இடையே தகராறு ஏற்பட்டதாகவும் 2 பேரும் வாக்குவாதத்தில் ஈடுபட்டதாகவும் அந்த பகுதி மக்கள் போலீசாரிடம் தெரிவித்தனர். இதனால் சாக்கம்மாவுக்கு இந்த கொலையில் தொடர்பு உள்ளதா? என்பது குறித்து அவரிடம் போலீசார் தொடர்ந்து விசாரணை நடத்தி வருகிறார்கள்.

கொலை செய்யப்பட்ட சக்கரலப்பா வேறு ஒரு இடத்தில் அடித்து கொலை செய்யப்பட்டு அவரது பிணத்தை தரதரவென்று இழுத்து வந்து பாழடைந்த வீட்டில் போட்டு சென்றது போலீசார் நடத்திய விசாரணையில் தெரியவந்து உள்ளது.

கொலை செய்யப்பட்ட சக்கரலப்பாவுக்கு லட்சுமம்மா (35) என்ற மனைவியும், சேகர் (19) என்ற மகனும், ஷில்பா (21) என்ற மகளும் உள்ளனர்.

சக்கரலப்பா தொடர்பு வைத்திருந்த சாக்கம்மாவுக்கு ஷில்பா, ரூபா என்ற 2 மகள்கள் உள்ளனர். அவர்களுக்கு திருமணம் ஆகிவிட்டது. சாக்கம்மாவின் கணவர் சந்திரப்பா கடந்த 30 ஆண்டுகளுக்கு முன்பு இறந்துவிட்டார். இதனால் வீட்டில் தனியாக வசித்த சாக்கம்மாவுக்கு கொலை செய்யப்பட்ட சக்கரலப்பா பண உதவிகள் செய்து வந்தார்.

கடந்த 3 மாதமாக சஸ்பெண்டில் இருப்பதால் அவருக்கு பண கஷ்டம் இருந்து வந்தது. இதனால் கள்ளக்காதலிக்கு சரியாக பண உதவிகள் செய்யவில்லை என்று கூறப்படுகிறது. இதனால் ஏற்பட்ட ஆத்திரத்தில் கள்ளக்காதலி கொன்றாரா? அல்லது வேறு யாரும் அடித்து கொன்று பிணத்தை வீசிவிட்டு சென்றார்களா? என்ற கோணத்திலும் போலீசார் விசாரணை நடத்தி வருகிறார்கள்.

கன்னிவாடி:

கன்னிவாடி அருகேயுள்ள அம்மாபட்டியை சேர்ந்தவர் முத்தையா (வயது 45). இவர் அம்மாபட்டியில் உள்ள மின்சார வாரிய அலுவலகத்தில் ஊழியராக பணியாற்றி வந்தார். இந்நிலையில் ரெட்டியபட்டியை சேர்ந்த சின்னப்பொண்ணு என்பவரின் விவசாய தோட்டத்தில் உள்ள மின்கம்பத்தில் பழுது ஏற்பட்டதாக கூறப்படுகிறது. இதையடுத்து முத்தையா மின்கம்பத்தில் ஏறி பழுதை சரிசெய்து கொண்டிருந்தார். அப்போது எதிர்பாராதவிதமாக மின்கம்பத்தில் இருந்து தவறி கீழே விழுந்ததில், படுகாயமடைந்த அவர் சம்பவ இடத்திலேயே பலியானார்.

இதுகுறித்து தகவலறிந்த கன்னிவாடி போலீஸ் இன்ஸ்பெக்டர் கோட்டைச்சாமி, சப்-இன்ஸ்பெக்டர் பெருமாள் ஆகியோர் சம்பவ இடத்துக்கு விரைந்து சென்று அவருடைய உடலை கைப்பற்றி, பிரேத பரிசோதனைக்காக திண்டுக்கல் அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து விசாரணை நடத்தி வருகின்றனர். இறந்த முத்தையாவுக்கு ரேவதி என்ற மனைவியும், 2 மகள்களும் உள்ளனர். 

சேலம்:

சேலம் அஸ்தம்பட்டி பகுதியை சேர்ந்தவர் ஜெயராமன் (வயது 52). இவர், மரவனேரியில் உள்ள அரசு மின்வாரிய அலுவலகத்தில் வயர்மேனாக பணியாற்றி வருகிறார். இவருக்கு திருமணம் ஆகி மனைவி மற்றும் குழந்தைகள் உள்ளனர்.

இந்த நிலையில் ஜெயராமன் நேற்று மாலையில் மளிகை கடைக்கு மிட்டாய் வாங்குவதற்காக சென்ற 6 வயது சிறுமியிடம் சில்மி‌ஷம் செய்ததாக கூறப்படுகிறது.

இது பற்றி அறிந்ததும் சிறுமியின் பெற்றோர் அம்மாப்பேட்டை அனைத்து மகளிர் போலீஸ் நிலையத்தில் கண்ணீர் மல்க புகார் கொடுத்தனர். அதன்பேரில் இன்ஸ்பெக்டர் தலைமையிலான போலீசார் ஜெயராமனை பிடித்து வந்து போலீஸ் நிலையத்தில் வைத்து தீவிரமாக விசாரணை நடத்தினர்.

இதையடுத்து ஜெயராமன் மீது பல்வேறு பிரிவுகளின் கீழ் வழக்குப்பதிவு செய்து அவரை போலீசார் கைது செய்தனர். இன்று காலையில் அவர் பலத்த போலீஸ் பாதுகாப்புடன் அழைத்துச் செல்லப்பட்டு சேலம் மகிளா நீதிமன்றத்தில் ஆஜர்படுத்தப்பட்டார்.

இதையடுத்து நீதிபதி அவரை சிறையில் அடைக்க உத்தரவிட்டார். இதனை தொடர்ந்து போலீசார் பாதுகாப்பாக ஜெயராமனை வேனில் அழைத்துச்சென்று சேலம் மத்திய சிறையில் அடைத்தனர்.